Sino ako?

MAHABA ang pila sa isang counter ng Leonardo da Vinci airport sa Rome Italy. May isang flight na kinansela kaya kailangang mag-rebook ang mga naaasar na pasahero.

Habang hindi magkandaugaga ang nag-iisang agent na nag-aasikaso ng rebooking, isang lalaking maangas ang tuluy-tuloy na sumugod sa counter. Inihampas niya ang kanyang ticket sabay sabi sa agent: “I HAVE to be on this flight and it has to be FIRST CLASS.”

“Sir, tutulungan kita, pero kailangan kong unahin ang mga taong ito na nakapila. First come, first serve lamang.”

Malakas ang boses ng lalaki kaya naririnig iyon ng mga pasaherong nakapila. 

“Miss titigan mo ang mukhang ito, now…may ideya ka ba kung sino ako?”

Ngumiti ang agent. Kinuha ang public address microphone at saka nagsalita.

May I have your attention please. May isang lalaking pasahero dito sa Gate 17 na hindi nakikilala ang kanyang sarili. Kung may nawawala kayong kasama, magpunta kayo sa Gate 17 para kilalanin ang lalaki. Maraming salamat.

Nabigla ang maangas na lalaki na walang nagawa kundi murahin ang agent: Fuck you!

Pinandilatan siya ng agent sabay sabi: Wala akong pakialam kahit pa ikaw ang hari ng Roma! Pumila ka and wait for your turn!

Ang lalaki pala ay opisyal ng isang bayan sa Italy na sumikat dahil sa malaking iskandalo.