Maid of Honor (246)
MASAYA ang naging selebrasyon ng college graduation nina Yana at Ram na ginanap sa isang five-star hotel. Sinagot ng mommy ni Ram ang gastos. Sabi pa ni Mommy Celia sa gitna ng kanilang masaganang tanghalian.
“Masayang-masaya ako sa pagkakataong ito na nakasama ko si Yana at ang mababait na sina Honor at Bianca. Hindi ko malilimutan ang pagsasamang ito. Gusto ko magpatuloy ang ating masayang pagsasama hanggang wakas. Magiging masaya pa ako kapag natupad na ang pag-iisang dibdib nina Ram at Yana.’’
Nagpalakpakan sina Honor at Bianca. Sa pagkakataong iyon, naiplano rin ang pagbabakasyon nila sa resort ni Inah. Magsasama-sama sila sa pag-uwi sa probinsiya. Plantsado ang plano.
KINABUKASAN, tinawagan ni Yana si Inah.
“Uuwi kami riyan Inah. Marami kami!”
“Welcome kayong lahat Sis. Ipahahanda ko na ang resort!’’ (Itutuloy)
- Latest
