Mga dapat gawin para pumayapa at sumaya ang buhay

• Tigilan ang pagti-tsek kung ilang “views” ang nakuha matapos i-post ang iyong istorya sa social media.

• Tigilan ang pag-delete ng posts kung kakaunti lang ang nag-like dito.

• Kung hindi naman makakasira ng iyong dignidad, huwag mahiyang gawin ang mga bagay na nagdudulot sa iyo ng sanlaksang tuwa at saya.

• Huwag ikumpara ang sarili sa ibang tao. Isipin mo lang na maganda ka at magaling.

• Huwag mo nang basahin ang mga lumang text messages, puwera lang kung ito ay nagpapasaya ng iyong puso.

• Umiwas sa mga taong mahilig gumawa ng “drama”.

• Ayusin ang mga kalat sa iyong bahay. A cluttered space often creates a cluttered spirit.

• Tigilan na ang pagiging “judgemental” at tsismosa.

• Dalasan ang pagsasabi ng “thank you” sa mga nagbigay sa iyo ng pabor, malaki man o maliit.

• Laging ngumiti. Praktisin kung paano magkaroon ng “smiling face’.

• Huwag problemahin ang “future”. Hindi mo ito makokontrol. Kung masaya at tahimik ang kasalukuyan, malaki ang tsansa na magpapatuloy ito sa mga darating na araw.

• Mas damihan ang pagkain na nagmula sa halaman at dagat.

• Makinig para maintindihan ang sinasabi ng kausap at hindi para kontrahin ang sinasabi nito.

• Iwasang bilisan ang pagsasalita kapag nagpapaliwanag. Mabagal pero malakas at gawing maliwanag ang pronunciation ng mga salita.

• Bumili ng coloring books for adults. Nagiging tulay ito para makalikha ng inner peace.

• Agahan ang gising at unahin ang sarili. Ikaw lamang ang available na makakapagbantay 24/7 sa iyong sarili.

• Magkaroon ng sariling ipon at ikaw lang ang mamahala nito. Ang pinagmumulan ng stress ay kakulangan sa pera lalo na kung matanda na.