Guban, mitsa ng gulo sa Senado’t Kongreso
NAKAAKMA na sa Kongreso at Senado ang political warriors dahil sa pagtuturo ni dating Customs Intelligence Officer Jimmy Guban sa mga sangkot sa nahuling 355 kilos ng shabu na nasa magnetic lifter noong 2018.
Isinasangkot ni Guban sina Davao City Rep. Paolo Duterte, Mans Carpio at Michael Yang. Ang tatlo diumano ang nasa likod nang mabilis na palusutan ng kargamento sa BOC. Wala nang binabayaran at tanging gate pass lang ang kailangan.
Sa rebelasyon ni Guban, malamang mairita ang Senado. Nasasangkot ang isang staff ng Senate Blue Ribbon Committee na sumama kay Presidential Task Force on Media Security Paul Gutierez. Nagbantang huwag babanggitin ang pangalan nina Pulong, Mans at Yang dahil mamamatay siya.
Asahan na hindi magsasawalang kibo ang mga kaalyado ng mga Duterte sa Senado sa ginawa ni Guban. Abangan!
- Latest
