Lalaki sa U.S., nakapagtala ng 15 Guinness World Records sa loob ng isang araw!

ISANG serial record breaker mula U.S.A. ang nakapagtala ng 15 world record sa loob ng isang araw!

Si David Rush ay tinaguriang serial record breaker na ang pakay ngayong 2024 ay makuha ang titulong “Most Concurrent World Record Holder”. Ang kasalukuyang may-ari ng titulong ito ay ang Italian na si Silvio Sabba na may180 concurrent record titles.

Upang mahigitan ito, bumisita si Rush sa headquarters ng Guinness World Records sa London para makapagtala ng 15 world record titles.

Isa sa 15 na world record na na-break niya habang nasa London ay “Most bites taken from three apples whilst juggling in one minute” kung saan nakagatan niya ng 198 beses ang mga mansanas habang pinaiikut-ikot niya ito sa ere.

Sa kasalukuyan, binibilang at kinukumpirma pa ng mga taga-Guinness kung nahigitan na ba ni Rush ang mga concurrent record titles ni Sabba.