‘Susi’ (Part 2)
PASAKAY na ako sa dyip ng umagang iyon para pumasok sa opisina nang bigla kong maalala na naiwan ko ang susi sa bahay. Ilang ulit kong hinanap sa aking bag at bulsa ang susi pero wala talaga.
Inisip kong mabuti kung saan ko naipatong at naiwan ang susi. Pero hindi ko maalala.
Baka kaya nalaglag sa bulsa ko. Pero imposibleng malaglag na hindi ko maramdaman dahil kakalansing iyon dahil tatlong susi na magkakasama sa isang ring.
Mabilis aking bumalik sa bahay. Mga sampung minutong lakarin ang aking inuupahang apartment.
Habang naglalakad ay nakatingin ako sa nilalakaran at baka nalaglag ang sus isa daan.
Pero nakarating ako sa bahay wala akong nakitang susi. Tiyak na nasa bahay ang susi at doon ko naiwan.
Pagdating ko sa bahay, nagulat ako sapagkat nasa susian ng pinto ang mga susi, Doon ko naiwan.
Agad kong hinugot. Pero nagtaka ako sapagkat hindi ko mahugot! Nakadikit sa susian! (Itutuloy)
- Latest
