Maid of Honor (168)

NANG matapos ang klase ni Yana, hindi niya inaasahan na sasabayan siya ni Ram sa paglabas sa gate ng unibersidad.

“Saan ka umuuwi Yana?’’ tanong ni Ram.

“Malapit lang dito—10 minutes walk lang mula rito.’’

“Kaya pala maaga kang pumasok.’’

“Oo.’’

“Nasabi mo na kasambahay ka?’’

“Oo. Matagal na rin akong kasambahay. Mababait ang mga amo ko. Sila ang nagpapaaral sa akin.’’

“Paano mo nagagawa ang lahat—kasambahay ka tapos nag-aaral pa. At nasa honor roll ka pa. Bihira ang ­nakakagawa niyan.’’

“Nasa tamang pagsasaayos lang ng schedule. Maaga akong nagsisimula sa mga gawaing bahay.Pagkatapos kong magawa saka ako nag-aaral.’’

“Excuse me, Yana, puwedeng malaman kung may parents ka pa at kapatid.’’

“Oo meron. Nasa province ang parents ko at isang kapatid na babae—kakambal ko.’’

“Mayroon kang kakambal?’’

“Oo. Identical kami.’’

“Talaga? Ano name niya?’’

“Inah.’’

Maya-maya narating na nila ang condo na tirahan ni Yana.

“Dito na ako Ram.’’

“Salamat at pinahintulutan mo ako na makakuwentuhan at makasabay ka, Yana.’’

“Walang anuman.’’

“Bye Yana.’’

“Bye Ram.’’

(Itutuloy)