10 mental tricks

ANG mga sumusunod ay iba’t ibang paraan upang mabawasan ang nararanasang physical pain:

1. Ayon sa British researchers, ang pagsigaw ng “shit” habang nasasaktan ay nakakatulong upang matiis ng isang tao ang hapdi dulot ng injury.

2. Ang mammogram ay screening procedure for breast cancer at ito raw ay masakit dahil iipitin lang naman ang boobs ng instrumento. Upang maibsan ang sakit, isa-isang panoorin sa cellphone ang mga pictures ng anak at mahal sa buhay. Kapag nakakakita tayo ng loving face ng ating mahal sa buhay, automatic na may lumalabas na chemicals sa ating katawan na nagiging dahilan upang tumigil sa pagtatrabaho ang pain processing area ng ating utak.

3. Nakaaalis ng sakit ang pag-iimadyin ng  “sexy encounter” ninyong mag-asawa, ayon sa psychologists ng University of Wisconsin.

4. Bago itusok ang karayom sa iyong balat (kapag nagpapa-injection), ang trick para hindi maramdaman ang sakit—huminga nang malalim.

5. Mag-meditate lagi araw-araw. Ang regular meditation ay nagpapakapal ng cortex, bahagi ng utak na nakakadama ng pisikal na sakit. Mas makapal, mas mahirap tablan ng sakit.

6. Kung masakit ang ulo, ngumuya ng apple at magsindi ng apple scented candle. Base sa pag-aaral na isinagawa ng Smell & Taste Treatment and Research Foundation in Chicago, may epekto ang amoy ng apple upang tumigil ang pananakit ng ulo. Ang amoy ng apple ang nakakapagparelaks sa utak.

7. Magpantasya ng paboritong pagkain kapag may menstrual cramps, back pain, at migraine.

8. Ang pakikinig ng musika ng isang oras araw-araw ay nakababawas ng sakit at depresyon.

9. Art therapy ay ginagamit na ngayon sa medical settings. Ang isang oras na art therapy ay nakapagpapagaan ng nadadamang sakit na pisikal o psychological ng mga taong may HIV/AIDS.

10. Ang pinakamabilis, pinaka-natural at walang gastos—pagtawa. Ito ang payo ng mga researchers sa UCLA. Kahit sa una ay i-fake mo. Habang tumatagal, matatawa ka nang totoo.