Gambling lord na si Tony Co, swapang!

HINDI pa nakabola ang jueteng ni Tony Co sa Albay bunga sa umaalma ang mga mayors, local management at mga kubrador dahil ibinaba ang kanilang porsiyento. Ang puna tuloy ng kampo ng pinalitan ni Tony Co na si Kap Nemo ay sobrang takaw naman ng bagong bangka ng jueteng na ito. Araguuuyyyyyy! Dati-rati kasi, ang bigay ni Kap Nemo sa kubrador sa overall na kubransa ay 10 percent, 2 percent sa cabo at 1 percent naman ang para sa local management na tao ng mga mayors. Maliban pa ‘yan sa 18 percent bilang intelihensiya naman sa mga “tigasin.” Kung ang kubransa ng jueteng sa buong Albay ay umaabot sa P5 milyon kada araw, aba malaki rin ang mapupunta sa kubrador at local management, di ba mga kosa? Kung sa loob ng pitong araw, abaaaaa masasarap na ang ulam ng pamilya ng kubrador at local management. T’yak ‘yun! Kaya lang, ang ginawa ni Tony Co, ibinaba sa 7 percent ang para sa kubrador, na retain ang 2 percent ng cabo subalit winalis ang 1 percent ng mga local management. Kaya’t hayun, nag-alboroto ang mga kubrador at mga mayors kaya’t hindi nakabola si Tony Co. Dipugaaaaa! Hak hak hak! Kapag swapang ang bangka ng jueteng, t’yak na magkakagulo, di ba mga kosa? Mismooooo!

Siyempre, nagreklamo ang mga mayors kay Gov. Noel Rosal dahil saan nila kukunin ang gastusin sa KBL o “kasal, binyag at libing” ng kanilang mga constituents kapag nawala ang 1 percent ng local management? Hindi naman puwede na ikakaltas nila ito sa pondo ng bayan dahil t’yak hahabulin sila ng COA at Ombudsman. He he he! T’yak ‘yun!

Si Gov. Rosal? Hahaha! Pakuya-kuyakoy lang si Gov. Rosal, ayon sa mga kosa kong Marites, dahil tumataginting na P30 milyon ang padulas na natanggap n’ya mula kay Tony Co. Abaaaaaa, bukas pala ang palad ni Tony Co pagdating kay Gov. Rosal subalit pagdating sa trabahador ng jueteng n’ya eh kuripot s’ya? Dipugaaaaa! Hak hak hak!

Baka ang kinakaltas ni Tony Co sa kita ng kubrador at local management ay para mabawi n’ya ang padulas kay Gov. Rosal, ano sa tingin n’yo mga kosa? Mismooooo!

Noong panahon ni Kap Nemo, hindi naman nagkagulo ang jueteng sa Albay dahil kuntento ang local management, kubrador at cabo sa kanilang kinikita. ‘Ika nga, mairaos din nila ang pang araw-araw na gastusin ng kani-kanilang pamilya.

Hindi maganda na sa pag-upo ni Gov. Rosal ay nag-protesta ang mga kubrador dahil t’yak malamya ang katawan nilang mangubra ng taya. Lalo na’t ang pinangasiwa ni Gov. Rosal sa jueteng sa probinsiya ay itong si alyas Jun, na isang adik. Ano ba ‘yan? Mukhang Gov. Rosal started in a wrong foot ‘ika nga ah, di ba mga kosa? Dipugaaaaa! Hak hak hak! Kanya-kanyang gimik lang ‘yan! Mismooooo!

Hindi naman magtataka ang mga kosa ko kung may maglakas ng loob at mag-gerilya ng jueteng sa Albay habang nagbabalitaktakan itong kampo ni Tony Co at ang mga kubrador at mga mayors. Kasi naman itong kampo ni Kap Nemo ay kabisado na ang bituka ng kalakaran kaya’t puede silang magtaas ng porsiyento dahil wala naman silang intelihensiya. Mismooooo! Hak hak hak!

Pag nagkataon, masaya ang kampo ni Kap Nemo samantalang ang tropa ni Tony Co ay nganga! Dipugaaaaa! Hehehe! Kailangan pa bang i-memorize ‘yan? Abangan!