Magsasaka, mag-isang iniusodang border ng Belgium at France

DAHIL sa isang magsasakang Belgian, umusod ng pito’t kalahating talampakan ang border ng Belgium at France.

Hindi na kinilala sa balita ang pagkakakilanlan ng magsasakang Belgian na nag-usod ng batong pananda o marker upang makaraan ang kanyang traktora.

Dahil sa simpleng paggalaw ng marker, naiba tuloy ang border ng dalawang bansa na napagkasunduan noon pang 1819.

Ayon sa mayor ng bayan ng Erquelinnesm, Belgium, na si David Lavaux, lumaki ang nasasakupan ng kanyang munisipalidad dulot ng pag-usod ng marker.

Wala sana siyang nakikitang problema sa nangyari ngunit sigurado raw siyang hindi ito papayagan ng mga taga-France.

Wala namang kakaharaping kaso ang magsasaka basta’t ibalik lang daw nito ang marker sa tamang posisyon nito.