Mag-asawa sa ecuador, kinilalang world’s oldest married couple

SA kabila ng hindi pagsang-ayon ng kani­lang mga  magulang, tumagal ng 79 na taon ang pagsasama ng isang mag-asawa sa Ecuador at ngayon ay kinikilala sila na pinakamatandang mag-asawa sa buong mundo.

Ang mag-asawa ay sina Julio Cesar Mora Tapia, 110-anyos at si Waldramina Maclovia Quinteros Reyes, 105, pawang taga-Quito, Ecua­­dor at parehong retiradong guro.

May pinagsamang 215 taon sina Julio at Waldramina kaya sila na ngayon ang kinikila­lang World’s Oldest Married Couple, ayon sa Guinness World Records.

Sa kabila ng kanilang edad, nasa mabuting kalusugan ang dalawa, na nanghihinayang na hindi sila makakapagdaos ng selebrasyon dahil sa pandemya kasama ang kanilang 11 apo, 21 apo sa tuhod, at siyam na apo sa talampakan.