3 bata sa Bolivia na iniidolo si spider-man, naospital matapos magpakagat sa gagamba
SA ospital ang bagsak ng tatlong batang lalaki sa Bolivia matapos silang magpakagat sa black widow, isang makamandag na gagamba, sa pag-asang magkakaroon din sila ng kapangyarihang katulad ng kay Spider-Man.
Natagpuan daw ang gagamba ng tatlong magkaka-patid na pawang may mga edad na 12, 10, at 8 habang sila ay nagpapastol ng kambing.
Sa paniniwalang magiging katulad sila ng comic book superhero, sinundot-sundot nila ang gagamba hanggang kagatin sila nito isa-isa.
Matapos magpakagat, natagpuan na lamang ang tatlo ng kanilang ina na umiiyak.
Itinakbo sa ospital ang magkakapatid, na nakaranas ng lagnat at pananakit ng mga kasu-kasuan.
Himalang nakaligtas ang magkakapatid at makalipas ang isang linggo ay nakalabas sila ng ospital.
Isa ang black widow sa pinakamakamandag na gagamba sa buong mundo.
- Latest
