Common sense
MAY dalawang Buddhist monks na naglalakbay. Tatawid na sana sila sa ilog nang isang matandang babae na tatawid din sa ilog ang nakiusap.
“Puwede bang tulungan ninyo ako na makatawid sa kabilang pampang? Kumikirot ang aking mga paa. Hindi ko kayang lumangoy.”
Binaba (piggyback) ng monk ang matandang babae upang makatawid sa ilog.
Pagkatapos makatawid, ibinaba ng monk sa tuyong lugar ang matandang babae. Buong katuwaan na nagpasalamat ang matanda.
Nagpatuloy ang dalawang monk sa paglalakbay. Nagsalita ang monk na hindi tumulong sa matanda. May galit sa tinig nito.
“Bawal sa atin ang humawak sa babae. Bakit ka pumayag na itawid ang matandang babae? Paano mo nasikmurang sumuway sa ating patakaran?”
“Hindi sa lahat ng pagkakataon ay susunod ka sa patakaran. Kailangan din gamitin ang common sense. Sumunod nga ako sa patakaran pero nalunod naman ‘yung matanda. Alin kaya sa dalawa ang mas mabigat dalhin sa konsensiya: humawak ako sa babae o pinabayaan kong malunod ang babae sa ilog?” Paliwanag ng matulunging monk.
Any kind of action done with an immaculate heart can never be sinful. ---Author Unknown
- Latest
