El Niño

Kinakatakutan ang kanyang pagdating

Pagka’t init itong tila walang tigil;

Lahat naghahanda – pigil ang damdamin

Na ang puso’t diwa ay dumadalangin!

Palibhasa’y takot ang nasa sa puso

Mga mamamayan ay waring tuliro;

Sa mga tanggapan mga empleado

Ay nababalisa sa pagdating nito!

Ito’y ang El Niño na ang idudulot

Ay tuyot at init sa maraming dako;

Sa mga tahana’y malungkot ang tao

Pagkat natatakot magugutom tayo!