Gamot sa Hangover

…mula sa iba’t ibang panig ng mundo:

Rome

Malakas bumarik ang mga Romans at Greeks. Kaya sapul pa noong unang panahon ay kung anu-ano na ang mga sinubukan nilang paraan upang matanggal ang masamang pakiramdam dulot ng pagkalasing nang nagdaang gabi. Dinudurog ang ulo ng kuhol at ito ang ipinapahid sa ulong kumikirot. Ang iba naman ay mas type ang paghuli ng maliit na ibon at saka kakatayin. Ipiprito ito nang buo at iyon ang kakainin.

Eastern Europe

Ang epektibong pantanggal nila ng hangover ay paghigop ng mainit na nilagang goto na hinaluan lang ng asin.

Japan

Marami ang sumusumpang magaling raw sa hangover ang dried-pickled apricot or umeboshi.  Doble pa ang benefit ng pagkaing ito, nagpapabagal ito ng pagtanda. May nagsasabi naman na mas epektibo ang paghigop ng sinabawang tulya o anumang shellfish.

Sicily

Ang pagkain ng daing na penis ng toro ang nakakatanggal ng hangover. Mainam itong kainin dahil mataas sa protina, minerals at vitamins.

US

Prairie oyster ang iniinom kinaumagahan pagkaraan ng magdamag na barikan. Ito ay pinaghalo-halong  hilaw na itlog, Worcestershire sauce, isang shot ng alak (optional), Tabasco sauce, suka, asin at paminta. Kailangang inumin nang “straight” ang  mixture. Susundan ito ng pag-inom ng isang basong tubig upang maiwasan ang dehydration. Prairie oyster ang tawag kahit walang oyster dahil sa orihinal na recipe ay gumagamit ng oyster ngunit tinanggal ito at hinalinhan ng itlog.

(may kasunod)