Ingat-ingat sa ipino-post sa social networking site
May babala ang PNP, lalu na sa mga mahilig mag-post sa mga social networking site.
Mag-ingat lang daw sa mga ipino-post dahil dito sa hi -tech na rin ang mga kriminal at kawatan at dito na rin kumukuha ng impormasyon sa kanilang bibiktimahin.
Mahilig kasi ang Pinoy na konting kibot ay ilalagay sa social networking tulad ng Facebook.
Pero, ayon sa PNP laging isipin na hindi lahat ng personal na bagay ay dapat ilatag sa publiko o sa social networking site.
At dahil na sa hi-tech na rin maging ang mga kriminal at kawatan at dito sila ngayon nakatutok lalu na nga yung walang private security settings o nakadelantara sa lahat.
Ang babala ay kasunod nang natuklasan na ilang sindikato ng kidnap for ransom ang nangangalap ng mga impormasyon sa Facebook o social networking websites sa pwede nilang biktima.
Maging ang bawat galaw o patutunguhan ng kanilang bibiktimahin ay nakukuha nila sa social networking site.
Nasa lima ang kaso ng kidnapping ang naitala ng PNP na may kaugnayan sa Facebook.
Kaya nga ang kanilang payo kontrolin at limitahan ang mga ipinopost sa kanilang Facebook, Twitter at iba social networking websites.
Hanggat maaari huwag na raw ipost ang mga taglay na yaman, mga ari-arian o lifestyle maging kung saan-saan kayo nagtutungo kaya nagkakaroon ng ideya at impormasyon ang mga kriminal para kayo pag-interesan.
Kailangan din na i-secure ang kanilang social media accounts sa private security settings para malimitahan at hindi makita ng kung sinu-sino ang mga ipinopost ninyo.
Tandaan marami na ang napahamak sa ganitong social networking sites kaya kailangan ang masusing pag-iingat.
- Latest
