Uso ang patayan

Laganap sa bansa ang mga patayan

ang mga biktima’y dukhang mamamayan;

kung kaya ganito marahil dahilan

mainit ang ulo ng makasalanan!

Ngayon ay tag-ulan panaho’y malamig

malamig na ulo dapat ginagamit;

mga nag-aaway sa lahat ng panig

upang ang patayan ay hindi lumawig!

Dapat ang maghari sa utak ng tao

mabuting isipan malamig na ulo;

kung ang nasa diwa ay laging magulo

tiyak ang pagpatay ay gagawin nito!

Pero kung ang diwa’y mahilig pumatay

pagkat nabuhay siya na isang kriminal;

ang dapat isipin ay maghanapbuhay

gumawa nang tama at mag-isip banal!