Uok (200)

“BAKIT?’’ tanong ni Gab habang papa­lapit kay Drew.

“Dali, tingnan mo!’’

Tiningnan ni Gab ang nasa loob ng container na kinaroroonan ng Uokcoco, Nakita niya ang mga nakakulapol na parang bulak sa katawan ng mga Uokcoco. Parang mga cotton candy na nakabalot sa mga Uokcoco.

“Ano ’yan Drew?’’

“Hindi ko nga rin alam, Gab. Ngayon lang lumabas ang mga ito. Parang lawa-lawa ano ?’’

‘‘Anong lawa-lawa?’’

“Parang sapot ng ga­gamba. Di ba ang tawag sa cotton candy ay lawa-lawa?’’

Napangiti si Gab, “Hindi­ ko alam Drew.’’

‘‘Mukhang may bago na naman tayong matutuklasan sa Uokcoco, Gab. Baka mas matindi pa ang ating matutuklasan.’’

“Anong ibig mong sabihin?’’

“Ipasuri natin ang mga lawa­-lawa ng Uokcoco. Malay­ mo, may kakaiba rin palang bisa ang mga ‘yan para panlaban sa mga white uok at iba pang peste ng niyog.’’

“Ibig mong sabihin baka makakuha pa tayo ng ibang gamot sa mga lawa-lawa?’’

“Yap! Posibleng pagtinunaw o ginawang likido ang mga lawa-lawa baka yan ang maaaring ipang-spray sa mga niyog.’’

Namilog ang mga mata ni Gab. Hangang-hanga kay Drew. Mas bagay yatang maging scientist o in­ventor si Drew kaysa maging abogado­.

“Problema kung saan natin ipasusuri ang mga lawa-lawa, Gab.’’

“May friend ako sa DOST, kaklase ko ng high school, ako ang bahala.’’

‘‘Okey sige. Kokolektahin ko ang mga lawa-lawa para maipa-eksamin natin.’’

Nakakuha na ng sample si Drew nang pumasok si Tiyo Iluminado. Napansin ang mga kinolekta ni Drew.

‘‘Saan mo kinuha ’yan Drew?’’

‘‘Dito po sa container na ito. Ipai-examine po namin, Tiyo.’’

‘‘Napansin ko na rin yan pero hindi ko pinapansin.’’

“Ano sa palagay mo Tiyo ang dahilan ng mga lawa-lawa na ito?’’

“Sa palagay ko luma­labas ang mga lawa-lawang ’yan kapag matured na matured ang mga Uokcoco.’’

“So kung ganoon, sign na matured na ang Uokcoco kapag lumabas ang mga lawa-lawa? At kung matured na ibig sabihin, mamamatay na sila.”

Nagkatinginan sila.

(Itutuloy)