Mukhang kamatayan?

Hindi na mabilang taong namamatay

Sa maraming lugar nitong ating bayan;

Hindi rin matiyak kung ano ang pakay

Nang maraming taong mukhang kamatayan?

Kung ngayo’y may gyera ok lang maglaho

Ang buhay ng taong bayani ng siglo;

Pero bansa nati’y malayo sa gulo

Bakit namamatay ang maraming tao?

Okey lang maglaho ang maraming buhay

Dahil sa prinsipyong ipinaglalaban;

Halimbawa nito magulo ang bayan

Kung ngayo’y may digmang pinaglalabanan!

Pero batid natin dito’y matahimik

Bakit nalalagas  ang mga kapatid?

Kahi’t umiiwas sa digmang mabagsik

Itong kamataya’y kusang lumalapit!