‘Binabae’ inineksiyunan ng semento at sealant ng pekeng doktor
SI Rajee Narinesingh, 48, ng Miami, Florida ay dating lalaki pero namumuhay na parang babae. Gusto ni Rajee na magkaroon nang magandang mukha. At para matupad ang kanyang pangarap, kailangan niyang maipaayos ang mukha sa isang doktor.
Hanggang sa makilala niya si Oneal Ron Morris. Ang akala ni Rajee ay totoong doktor si Morris. Hindi pala. Isa pala itong pekeng doktor. Laking pagsisisi ni Rajee sa ginawa sa kanya.
Sa halip na gumanda ang kanyang mukha, lalo pa itong pinapangit ng pekeng doktor. Ayon kay Rajee, inineksiyunan siya ng pinaghalong semento at sealant.
Dahil doon, nagkaroon ng mga bukol-bukol sa pisngi si Rajee. Nagkabaku-bako ang kanyang baba at lumobo ang kanyang mga labi.
Idinemanda ni Rajee si Morris. Natuklasan niya na kalalabas lang pala nito ng bilangguan dahil sa ginawang pag-inject din sa mukha ng ibang pasyente. Natuklasan din ni Rajee na isa rin palang “binabae†si Morris.
- Latest
