Flesh-eating maggots nakita sa loob ng taynga ng turista; langaw ang nagdala
NAGBAKASYON sa Peru si Rochelle Harris, 27, kasama ang kanyang asawa. Naging masaya ang kanilang pagbabakasyom sa nasabing bansa.
Subalit nang magbalik sila sa England, nakaramdam ng kakaiba sa kanyang taynga si Rochelle. May naririnig siyang tila kumakahig sa loob ng kanyang taynga. Kasunod niyon ay ang matinÂding sakit ng ulo at ang pagtulo ng likido galing sa isa niyang taynga.
Ipinasya ni Rochelle na kumunsulta sa doctor.
Inakala ng doctor na isang karaniwang ear infection ang problema ni Rochelle. Subalit nadiskubre na ang nasa loob ng taynga ni Rochelle ay mga “flesh eating maggots†o mga uod na unti-unting kumakain ng laman. Nakita ng doctor na nakagawa na ng butas sa ear canal ang maggots. Nasa walo ang maggots na nakita sa taynga ni Rochelle. Wala namang damage sa eardrum, blood vessels at facial nerves ni Rochelle.
Isinailalim sa operasyon si Rochelle hanggang sa maalis ang walong maggots at mga itlog nito.
Ang maggots ay larvae ng laÂngaw na tinatawag na New World Screwworm Fly (Cochliomyia homiÂnivorax). Nangingitlog ang langaw sa sugat ng mammals at tao. Ang babaing langaw ay nangingitlog ng 250 at napipisa sa loob ng 24 oras.
Ayon kay Rochelle, noong nasa Peru raw sila, nagdaan sila sa lugar na maraming langaw. ---www.oddee.com—
- Latest
Lalaki sa U.K., nakatanggap ng Guinness Record matapos makagawa nang pinakamalaking baraha sa mundo!
