Lasenggo, ibinenta ang asawa para may maibili ng alak
GRABE na ang pagiging alcoholic ni Pundlik Chavan ng Akola, Mumbai, India. Hindi na mapigilan ang kanyang pagkahumaling sa alak. At para matustusan ang kanyang bisyo, naisip niyang ibenta ang kanyang asawang si Sangita.
Ang matindi, ipinagbili niya ang asawa sa mismong kaibigan niya na si Ganesh Walode. Ibinenta niya ng 25,000 Rupees ang asawa. Nangyari ang bilihan noong Hunyo 2013. Isinama ni Ganesh si Sangita.
Subalit ang ginawa ni Pundlik ay nalaman ng kapatid ni Sangita at nagsumbong sa mga pulis. Agad inaresto ng mga pulis si Pundlik at sinampahan ng kaso.
Sa harap ng mga pulis, agad namang niyaya ng kapatid si Sangita para umuwi. Pero ganoon na lamang ang gulat ng kapatid nang saÂbihin ni Sangita na minamahal niya si Ganesh. Napamahal siya kay Ganesh mula nang bilhin siya nito kay Pundlik.
- Latest
