Bakit itinaboy?

Bansang Amerika at pati ang UN

Nagdala ng tulong – gamot at pagkain;

Nang makita nilang tayo ay wasakin

Ng bagyong Yolanda sila ay dumating!

Mga Amerkano’y lagi ng katulong

Nitong ating bansa’y bakit itinaboy?

Mali ang ginawa ng Pangulo noon

Pagka’t nagpadala sa maling desisyon!

Nang ang mga Kano’y narito sa bansa

Kabuhayan natin ay naging sagana;

Mga mamamayan maraming biyaya

At ang bayan nati’y ligtas at payapa!

At ngayong ang bansa’y nasa kalamidad

Sila pa ang unang sa ati’y lumingap;

At kung may magtangkang ang bansa’y ibagsak

Amerika pa rin ating tinatawag!