Weh, totoo? Ice Cream Flavorology

KUNG may astrology, may katapat naman itong Ice Cream Flavorology. May kinalaman daw sa iyong pagkatao ang paborito mong flavour ng ice cream. Huling bahagi na ito ng walong flavors. Ang naunang flavors na nailathala kahapon ay Coffee, Butter Pecan Nut, Chocolate Chip, at Double Chocolate Chunk.

Mint chocolate chip

Ambisyoso, praktikal at may tiwala sa sariling kakayahan. Naniniwala siya na ang masusing pagpaplano sa buhay ay nagdudulot ng matibay na pundasyon sa kinabukasan. Tumatagal ang kanyang relasyon, romantic o friendship, dahil sa kanyang loyalty at honesty. Romantically compatible kay Mint Chocolate Chip Lovers.

Rocky road

May charming personality, friendly at praktikal. Kung siya ay isang negosyante, gagawin niya ang lahat makuha lang ang gusto. Sensitive siya sa criticism. Mas tinatanggap niya ang “words of encouragement” kaysa kritisismo. Romantically compatible sa kapwa Rocky Road fans.

Strawberry

Thoughtful at logical person na tinitimbang muna ang mga options bago gumawa ng final decisions. Kapag umibig, asahan mo ang kanyang katapatan. Romantically compatible kina Rocky Road, Mint Chocolate Chip at Vanilla Lovers.

Vanilla

Masayahin, makulay ang personalidad at mas pinagkakatiwalaan      ang kanyang kutob kaysa logic kapag gumagawa ng desisyon. Sa pag-ibig, gusto niya ay binubusog ng  karelasyon ang kanyang emotional needs. Halimbawa, type na type niyang nag-a-I love you sa kanya araw-araw ang kanyang “loves”. Romanticaly compatible sa Rocky Road fans.