Dahil sa TV at radio

Noong araw ay walang mga TV, radio

Hindi natin kita ang mga peligro;

Ang lindol at baha tumatama rito

Hindi tumatakot sa diwa at puso!

Subali’t sa ngayong science ay maunlad

Ang mga sakuna’y nakikitang lahat;

Barilan sa kalye, bombahang malakas

Namamasid nating kagila-gilalas!

Katulad na lamang ng mga biktima

Naghanay na bangkay du’n sa Campostela;

Kung ito’y naganap noong dakong una

Masamang detalye’y hindi natin kita!

Kaya masasabing itong kaunlaran

Masama ang dala sa sangkatauhan;

Sa TV ang mundo ay nailarawan --

Na parang totoong mundo’y mapaparam!