Babae, mabilis magpatakbo ng kotse, iyon daw ang utos ng Diyos sa kanya

HINULI ng Florida police si Melissa Miller, 41, dahil sa overspeeding. Tumatakbo siya ng 100 mph gayung ang allowed lamang ay 30 mph.

Hinabol siya ng pulis. Hindi pa rin napigilan si Melissa sa mabilis na pagmamaneho kahit na pinahihinto siya ng pulis. Lalo pa niyang binilisan. Ang masama pa, nag-swerved siya.

Habang nagpapatakbo nang mabilis ay walang tigil sa pagbusina si Melissa.

Hanggang sa makorner siya ng mga pulis. At nang tanungin kung bakit mabilis siyang nagpapatakbo, iyon daw ang iniuutos ng Diyos sa kanya. Ayon pa kay Melissa, ginagabayan siya ng Holy Spirit kaya mabilis ang pagpapatakbo. Iniutos din daw sa kanya ng Diyos na bumusina nang bumusina.

Sinampahan ng reckless driving at speeding si Melisa. Hindi naman sinampahan ng kaso ang Diyos bilang accessory.