Maangkon ang daghang kahigayonan

Dear Kuya Uriel,

Good day. I want to know what’s the CHI in my life. I was born on October 12, 1976. Salamat. -- 0919-7909846

TUBAG: Natawo ka sa tuig sa dragon. Kusog ang momentum sa imong positive CHI. Tungod niini, imong maangkon ang daghang kahigayonan aron makabaton og suwerte. Ayaw usiki ang kahigayonan.

* * *

Dear Kuya Uriel,

Hi...! Have a nice day. Unsay kahulogan sa akong awom sa liog? Thank you very much. God bless. -- 0916-2798717

TUBAG: Kun ang imong awom daghan ug nagalikos sa liog, daotan ang kahulogan niana. Kun ang awom anha lang sa kilid habig sa wala, nagpasabot kana nga mahigalaon ka, pero kun anha sa tuo, hayan may tendensiya ka sa pagkamanggiulawon. Hinuon, may dakong garantiya nga mahimo kang maayong silingan ug ginikanan.

* * *

Dear Kuya Uriel,

Hi...! I want to know my CHI. I was born on August 22, 1980. My husband was born on April 4, 1979. Thank you very much.  -- 0919-8686148

TUBAG: Natawo ka sa tuig sa unggoy samtang ang imong bana natawo sa tuig sa kanding. Managsamang kusog ang momentum sa tagsatagsa ninyo ka CHI. Ugaling lang kay giklaro gayod sa feng shui almanac nga dili kamo perfect match sa usa’g-usa.

* * *

Dear Kuya Uriel,

Good day. I was born on September 9, 1974. I just want to know my CHI. Thanks and God bless. -- 0916-3137031

TUBAG: Natawo ka sa tuig sa tigre. Nahimugso ka sa petsa nga ang elementong yuta maoy essence of the day. Kusog ang momentum sa imong positive CHI. Nagpasalig kini alang kanimo og kinabuhi nga tugob sa kadagaya. Kun ikaw usa ka mag-uuma, mabungahon ang imong kahago. Kun ikaw usa ka negosyante, imong masinati ang hapsay nga dagan sa negosyo. Kun ikaw usa ka propesyonal, imong maangkon ang kaharuhay kun haom kanimo ang imong kurso. Kun ikaw usa ka empleyado, dako ang purohan nga imong makab-ot ang tingusbawan.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.