Natawo sa tuig sa bitin

Dear Kuya Uriel,

Gusto ko masayod sa akong CHI. Natawo ko sa Abril 22, 1965. What is my CHI? -- 0919-07848591

TUBAG: Natawo ka sa tuig sa bitin. Sumala sa punsoy, taas kaayo ang gitaganang kutay sa kahigayonan alang kanimo aron makab-ot ang kalamposan. Positibo ang imong CHI bisan tuod nga may higayon nga on and off ang buylo niini. Kombinasyon sa pula ug puti ang suwerteng kolor alang kanimo. May mga higayon nga gusto mong tagoan ang imong suliran. Ang adlaw’ng Biyernes nga maatol sa petsa 25 usahay magdulot og kakulian nganha kanimo.

* * *

Dear Kuya Uriel,

Hi...! I want to know our CHI. I was born on November 7, 1975. My husband was born on October 25, 1965. Thank you very much. -- 0927-6123186

TUBAG: Natawo ka sa tuig sa koneho samtang ang imong bana natawo sa tuig sa bitin. Managsamang kusog ang momentum sa tagsatagsa ninyo ka CHI. Dili nindot ang inyong kombinasyon isip magtiayon. Giklaro sa Chinese feng shui nga dili kamo perfect match sa usa’g-usa. Magbutang og bagua sa pultahan mayor sa balay.

* * *

Dear Kuya Uriel,

I just want to know my CHI and the CHI of my mother. I was born on November 13, 1986. My mother was born on March 12, 1965. Thanks. -- 0919-3028698

TUBAG: Tigre ang imong horoscopic animal. Nahimugso ka sa petsa nga ang elementong kalayo maoy essence of the day. Kusog ang momentum sa imong positive CHI. Nagpasalig kini alang kanimo og mahayag nga kaugmaon. Bukas alang kanimo ang daghang kahigayonan sa pag-asenso. Dako ang purohan nga makabaton og katumanan ang imong mga pangandoy sa kinabuhi. Sa laing bahin, ang imong inahan natawo sa tuig sa bitin. Ang elementong kahoy maoy koresponsal sa petsa sa iyang pagkahimugso. Kusog usab ang momentum sa iyang positive CHI. Kinabuhi nga maluho ang iyang maangkon dinhi sa silong sa adlaw.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.