I’m your avid reader. I want to know kun unsa ang kahulogan sa akong damgo. Natunok kuno ko -- ang akong tiil sa bulak sa rosas. Nakuha ra man sad nako ang tunok. -- 0919-3942708
TUBAG: Ang imong damgo nagpasabot nga daghan ang mo-admire sa imong pagkatawo. Posible usab nga dapiton ka sa usa ka kalingawan.
* * *
Dear Kuya Uriel,
Good day. I just want to know my CHI in life. I was born on February 8, 1968. Gusto sad ko masayod kun unsang negosyoha ang angay nako. Dalaga pa ako. Thanks. -- 0927-6041xxx
TUBAG: Natawo ka sa tuig sa unggoy. Kusog ang momentum sa CHI nga namugna sa petsa sa imong pagkahimugso. Nagpasalig kini alang kanimo og kinabuhi nga tugob sa kadagaya. Bukas alang kanimo ang daghang kahigayonan sa pag-asenso. Dako ang purohan nga makabaton og katumanan ang imong mga pangandoy sa kinabuhi. Epektibo ka sa business nga may kalabotan sa edukasyon, teyolohiya, pamelikula, transportasyon, paugnat sa kusog ug impormasyon.
* * *
Dear Kuya Uriel,
Good day. I want to know my CHI. I was born on April 16, 1972. My wife was born on December 17, 1974. Thanks. -- 0926-6727443
TUBAG: Natawo ka sa tuig sa ilaga samtang ang imong asawa natawo sa tuig sa tigre. Mas kusog ang momentum sa life force o CHI sa imong asawa kay sa kaugalingon mong CHI. Dili nindot ang inyong kombinasyon. Giklaro sa Chinese feng shui nga dili kamo perfect match sa usa’g-usa. Labing maayo nga magbutang og bagua sa pultahan mayor sa balay kay kini makatabang pagsuhong sa demalas.
* * *
Dear Kuya Uriel,
I just want to know my CHI. I was born on June 7, 1977. Thank you very much. More power and God bless. -- 0921-2572024
TUBAG: Bitin ang imong horoscopic animal. Nahimugso ka sa petsa nga ang elementong puthaw maoy essence of the day. Kusog ang buylo sa imong CHI. Nagpasalig kini alang kanimo og madagayaon nga kinabuhi. Gamit sa kolor nga orange ug blue.
* * *
EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.