Awom sa aping

Dear Kuya Uriel,

Gusto kong masayod bahin sa akong awom sa habig sa wala naa sa tungatunga sa akong aping. Unsay kahulogan niini. -- 0919-4144193

TUBAG: Daghan ang mga binuhat nga nagbaton og awom nga sama sa   imoha. Ang awom nga ingon niini nagkahulogan nga tigdaghan ka og hukom apan sayon kaayong mosanong og tambag. Nakabaton ikaw og kabubut-on nga daling malukmay.

* * *

Dear Kuya Uriel,

Good day. Ni-text ko nimo aron makahibalo ko sa akong CHI ug sa akong lovelife. I was born on November 1, 1977 ug ang akong gilfriend natawo sa September 19,1977. Thanks and more power to you. -- 0920-86083xxx

TUBAG: Managsama kamong nakabaton sa horoscopic animal nga bitin. Apan mas kusog ang buylo sa imong positive CHI kay sa momentum sa life force sa imong hinigugma. Kinabuhi nga tugob sa kadagaya ang gipasalig sa CHI nga namugna sa petsa sa imong pagkahimugso. Dako ang kahigayonan sa pag-asenso. Apan kining tanan suwerte nga gitagana unta alang kanimo posibleng mahanaw sa higayon nga makabaton ka og kapikas sa kinabuhi nga dili nimo perfect match.

Kasarangan nga kinabuhi ang gipasalig sa CHI sa imong girlfriend. Nahimugso siya sa petsa nga ang elementong puthaw maoy essence of the day. On and off ang momentum sa iyang CHI. Dili sayon alang kaniya ang pagbugtaw sa tingusbawan. Bulnerable siya sa mga kakulian ug gumonhap sa kinabuhi. Makatabang sa pagpalagsik sa iyang positive CHI ang paggamit kanunay sa kolor nga blue green ug light yellow.

Dili kamo perfect match sa usa’g-usa. Ang perfect match alang kanimo ug ingon man sa imong girlfriend mao ang opposite sex nga natawo sa tuig sa sunoy ug baka. Likaye ninyo ang mga binuhat nga natawo sa tuig sa tigre, unggoy ug baboy.

* * *

EDITOR’S NOTE

Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.