Kasarangan nga kinabuhi

Dear Kuya Uriel,

I want to know my CHI. I was born on November 18, 1978. Thank you and more power. -- 0917-3249077

TUBAG: Natawo ka sa tuig sa kabayo. Kasarangan nga kinabuhi ang gipasalig sa CHI nga mugna sa petsa sa imong pagkahimugso. Kini tungod kay on and off ang buylo sa imong CHI. May mga higayon nga mobati kag kalagot sa imong kaugalingon tungod kay nasayop ka sa pagpili sa binuhat nga imong mahalon. Dark blue ang suwerteng kolor alang kanimo.

* * *

Dear Kuya Uriel,

I just want to know kun unsay meaning sa akong awom nga naa sa tunga-tunga sa duha nako ka mata. What is my CHI? I was born on January 6, 1987. -- 0919-7843321

TUBAG: Kanang awom nga nahimutang sa duha nimo ka mata nagkahulogan nga maantigo ikaw'ng motimbang-timbang aron pag-ila kun unsay maayo ug unsay dautan. Makiangayon ka ug mahigugmaon sa katarong. Natawo ka sa tuig sa tigre. Mahibulong ka tingali kun nganong mao kini ang imong horoscopic animal. Kasagaran god sa natawo sa 1987 natawo sa tuig sa koneho. Apan lahi ang imong kaso. Abi god nimo, ang tuig sa tigre nagsugod sa Pebrero 9, 1986 ug natapos sa Enero 28, 1987. Samtang ang tuig sa koneho nagsugod sa Enero 29, 1987 ug natapos sa Pebrero 16, 1988. Dayag na lang kaayo nga ang petsa nga imong nahimugsoan Enero 6 - nahisakop pa sa tuig nga gidominahan sa tigre. Kasarangan nga kinabuhi ang gipasalig sa CHI nga namugna sa petsa sa imong pagkahimugso. On and off ang momentum sa imong positive CHI. Makasugat kag daghang komplikasyon busa karon pa lang gani angay mo na kining pangandaman.

* * *

Dear Kuya Uriel,

Good day. I want to know my CHI. I was born on August 27, 1992. Makalampos ba ko sa akong pag-eskuyla? Thanks. -- 0915-3623xxx

TUBAG: Natawo ka sa tuig sa unggoy. Kusog ang buylo sa imong CHI. Nagpasalig kini alang kanimo og madagayaon nga kinabuhi. Ang kalamposan sa imong pag-eskuyla nag-agad sa kadako sa imong tinguha ug paningkamot.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.