Iro ang horoscopic animal

Dear Kuya Uriel,

I want to know my CHI in life. I’m a male fan of yours. I was born on May 8, 1970. Thanks. -- 0920-8659595

TUBAG: Hinay kaayo ang buylo sa imong CHI. Iro ang imong horoscopic animal. Kasagaran kutob ka lang sa pangandoy. Taas ra nimong kab-oton ang katumanan niini. Kun may suod kang higala nga moagda kanimo sa pagkuyog kaniya aron pagbugtaw sa tingusbawan, labing maayo nga mosanong ka. Kini makapasamot sa kalawom sa inyong kasuod. Likayi lang ninyo ang trabaho nga makahugaw sa ngalan. Hinumdumi nga kun mahugawan ang ngalan, lisod na kining limpiyohan.

* * *

Dear Kuya Uriel,

I want to know our CHI. My birthday is February 9, 1984 and my boyfriend was born on March 22, 1980. Okey ra ba mi? Thanks. -- 0926-2199567

TUBAG: Ilaga ang imong horoscopic animal. Kasarangan nga kinabuhi ang gipasalig sa CHI nga namugna sa petsa sa imong pagkahimugso. On and off ang momentum sa imong positive CHI. May mga higayon nga dili ka makalikay sa mga kakulian. Kun adunay pag-uswag nga mahitabo sa imong kinabuhi apan kini dili kaayo dako. Batasana ang paggamit kanunay sa kolor nga peach ug dark brown kay kini makapalagsik sa imong life force. Likay sa gidili nga relasyon.

Ang imong boyfriend natawo sa tuig sa unggoy. Kusog ang buylo sa iyang positive CHI. Nagpasalig kini alang kaniya og kinabuhi nga puno sa kahimungaya. May pasalig nga makabaton og katumanan ang iyang mga pangandoy sa kinabuhi. Bisan may panahon nga mohadla kaniya ang mga kakulian apan dili kini makatay-og kaniya. Ingon sa lig-on gayod kaayo ang iyang pundasyon. Sa katibuk-an sa iyang kinabuhi mopatigbabaw gayod ang kalipay.

Nindot ang inyong kombinasyon isip managhigugmaay. Giklaro sa feng shui almanac nga perfect match kamo sa usa’g-usa. Kun kamo ang magkadayon, dili lisod alang kaninyo ang pagbugtaw sa tingusbawan. Bukas alang kaninyo ang daghang oportunidad.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.