On and off ang chi

Dear Kuya Uriel,

Natawo ko sa April 15, 1978. Unsay akong kapalaran karong tuiga? Lunlon man kasakit ang midangat nako. Daghan mi diri nga tigbasa sa inyong newspaper. -- Number withheld

TUBAG: Nakabaton ka og CHI nga on and off ang buylo. Mao kini ang hinungdan kun nganong daghan kag nahiagoman nga mga kasakit sa imong kinabuhi. Niining tuiga walay makasaysayanong hitabo nga modangat kanimo. May kalipay nga masinati nimo sa kapulihay. Dark blue ang suwerte nimong kolor.

* * *

Dear Kuya Uriel,

I really want to know my CHI. I was born on December 23, 1987. -- 0916-7565937

TUBAG: Natawo ka sa tuig sa koneho. Kasarangan nga kinabuhi ang gipasalig sa CHI nga namugna sa petsa sa iyang pagkahimugso. May pasidaan nga dili ang tanan nimong pangandoy makabaton og katumanan. On and off ang buylo sa imong life force. Bulnerable ka sa mga kasakit. Lisod alang kanimo ang pagbugtaw sa tingusbawan. Kun aduna may paglambo nga imong masinati apan dili kini makahatag og dakong kausaban sa imong pagpuyo. Labing maayo nga mogamit ka kanunay sa kolor nga pink, olive green ug orange aron pagkabig sa imong suwerte.

* * *

Dear Kuya Uriel,

Good day. I want to know my CHI. I was born on November 12, 1980. My boyfriend was born on April 3, 1977. Match ba mi? Thanks. -- 0921-2344xxx

TUBAG: Natawo ka sa tuig sa unggoy samtang ang imong boyfriend natawo sa tuig sa bitin. Managsamang kusog ang buylo sa inyong CHI. Apan dili nindot ang inyong kombinasyon. Giklaro sa punsoy nga dili kamo perfect match.

* * *

Dear Kuya Uriel,

Hi...! Mangutana ko kun kami ba ang magkadayon sa akong boyfriend. Natawo ko sa July 18, 1987. My boyfriend was born on March 27, 1986. -- 0910-3136314

TUBAG: Natawo ka sa tuig sa koneho samtang ang imong boyfriend natawo sa tuig sa tigre. Sumala sa punsoy, dili kaayo dako ang transa nga kamo ang magkadayon. Hinuon, giklaro sa punsoy nga perfect match gayod kamo sa usa’g-usa.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.