Natawo sa tuig sa baka ug kanding

Dear Uriel,

Natawo ko sa July 5, 1961. Ang akong bana natawo sa October 15, 1967. Unsa may akong kapalaran karong tuiga? -- 0916-614xxx

TUBAG: Natawo ka sa tuig sa baka samtang ang imong bana natawo sa tuig sa kanding. Sumala sa Chinese feng shui, dili gayod compatible kanimo ang imong bana. Tungod niini, bisan unsa ninyo ka loving ug kamalipayon sa inyong panagtipon sulod sa salag sa kaminyoon apan dili lang damhon nga mosangko ang tanan sa ginagmay ug dinagko nga mga kakulian. Kun kulang gani kamo sa pag-ampo, posible pa nga mosangko sa panagbulag ang inyong relasyon. Mao man god untay angay kanimo ang lalaki nga natawo sa tuig sa ilaga, bitin ug sunoy. Mao usay compatible sa imong bana ang babaye nga natawo sa tuig sa koneho, kabayo ug baboy. Busa angay kang makigsilingan sa langit aron motunhay ang inyong kaminyoon.

* * *

Dear Kuya Uriel,

Good day. Hi....! I was born on September 27, 1987. I want to know my CHI and lovelife. Thanks and God bless. -- 0927-9078750

TUBAG: Nahimugso ka sa petsa nga ang elementong kalayo maoy essence of the day. Natawo ka sa tuig sa koneho. Kusog ang buylo sa imong positive CHI. Nagpasalig kini alang kanimo og kinabuhi nga tugob sa kadagaya.

* * *

Dear Kuya Uriel,

Good day. I just want to know my CHI. Natawo ko sa December 3, 1973. Thanks and God bless. -- 0920-4961461

TUBAG: Natawo ka sa tuig sa baka. Nahimugso ka sa petsa nga ang elementong puthaw maoy essence of the day. On and off ang momentum sa imong positive CHI. Dili maayo alang kanimo ang kanunay nga pagbiyahe.

* * *

Dear Kuya Uriel,

Hi and good day. I want to know my CHI. I was born on February 18, 1979. My partner was born on September 10, 1975. -- 0928-2210398

TUBAG: Natawo ka sa tuig sa kanding samtang ang imong partner natawo sa tuig sa koneho. Managsamang kusog ang buylo sa inyong positive CHI. Giklaro sa Chinese feng shui nga perfect match kamo sa usa’g-usa.Congratulations...!

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.