Adunay kalipay nga gitagana

Dear Kuya Uriel,

Nagdamgo ko nga nagbaha kuno ug unya nakakita ko og bata pagbukhad nako sa among banig. Unsay meaning niini? -- Baby

TUBAG: Nindot kaayo ang kahulogan sa imong damgo. Ayaw gayod usiki ang matag oportunidad sa panguwarta nga moabot kanimo kay mao na kini ang dalan nga maghatod kanimo ngadto sa suwerte. Adunay kalipay nga gitagana kanimo sa umaabot, kaha makadawat ka og pasidungog. Mao kini ang mensahe sa bata nga imong nakaplagan diha sa banig.

* * *

Dear Kuya Uriel,

I want to know my CHI. I was born on October 15, 1982. Unsay ipasabot sa awom nga naa sa sentro sa akong ilong dapit sa tunga-tunga sa duha ko ka mata? Thanks. More power and God bless. -- 0919-3884786

TUBAG: Natawo ka sa tuig sa iro. Kasarangan nga kinabuhi ang imong masinati dinhi sa kalibotan. Nakabaton ka’g positive CHI nga on and off ang buylo. Bulnerable ka sa mga kasakit. Makatabang sa pagpalagsik sa imong CHI ang kanunay nga paggamit sa kolor nga deep blue ug beige. Kanang awom nga naa sa sentro sa imong ilong dapit o ubos og diyotay sa tunga-tunga sa duha ka mata nagkahulogan nga hait ang imong sentido komon. May panud-ong ka nga wala sa uban. Matahom ka og mga panglantaw sa kinabuhi. Aduna ikaw ing extra sensory perception.

* * *

Dear Kuya Uriel,

Unsay kahulogan sa akong damgo? Nagdamgo ko og baha. Lubog kaayo ang tubig. Nilabang ko sa sapa. Thank you very much and God bless. -- 0916-8509648

TUBAG: Ang imong damgo usa ka pasidaan. Nagpasabot kini nga may mga higayon sa imong kinabuhi nga mag-ungaw sa peligro ang imong kaugalingon. Gitambagan ka nga mag-amping sa imong pagpanikaysikay. Gikinahanglan mo ang kaandam sa paglangoy sungsong sa sulog sa imong mga paningkamot.

* * *

Dear Kuya Uriel,

Good day. I want to know my CHI. I was born on February 14, 1982. My husband was born on June 6, 1972. Thank you very much. -- 0918-2940488

TUBAG: Natawo ka sa tuig sa iro samtang ang imong bana natawo sa tuig sa ilaga. Mas kusog ang momentum sa CHI nga nabatonan sa imong bana kun itandi sa kaugalingon mong CHI. Dili nindot ang inyong kombinasyon. Dili kamo perfect match sa usa’g-usa. Magbutang og holy lotus sa pultahan mayor sa balay.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.