Natawo sa tuig sa baka

Dear Kuya Uriel,

Natawo ko January 7, 1985. Unsay akong kapalaran? Thanks. -- 0918-9333147

TUBAG: Natawo ka sa tuig sa baka. May suwerte nga moabot kanimo niining tuiga. Ang kolor nga green makahatag og suwerte kanimo. Makabaton og momentum ang positibo nimong CHI uban sa mga binuhat nga natawo sa tuig sa ilaga, bitin ug sunoy.

* * *

Dear Brod Uriel,

We want to know our CHI. I was born on May 19, 1955. My wife was born on March 22, 1955. Thanks a lot. More power and God bless you always. -- 0916-5428607

TUBAG: Natawo ka sa tuig sa kanding. Kasarangan nga kinabuhi ang gipasalig sa CHI nga namugna sa petsa sa imong pagkahimugso. On and off ang buylo sa imong positive CHI. Hagip-ot ang dalan nga imong subayon niining kinabuhia. Apan kini wala magpasabot nga dili mo matagamtaman ang kalipay. Imong maangkon ang hingpit nga kalipay kun imong buhaton ang butang nga makatabang sa pagpabaskog sa imong CHI.

Ang imong asawa natawo sa tuig sa dragon. Kasarangan usab ang kahimtang sa kinabuhi nga iyang maangkon dinhi sa kalibotan. On and off ang momentum sa iyang life force. Mas kusog pa gani ang buylo sa imong CHI kay sa kaugalingon niyang CHI. Nahimugso siya sa petsa nga ang elementong yuta maoy essence of the day. Nagkinahanglan siya sa moral support sa binuhat nga natawo sa petsa nga ang elementong tubig maoy essence of the day. Ang kalipay dili maangkon sa dakong kasayon.

Wala mag-ingon ang Chinese feng shui nga dili kamo compatible apan dili usab kamo perfect match. Tungod niini, hayan nga dili masayon alang kaninyo ang pag-asenso. Nagkinahanglan kini sa tiningob ninyong paningkamot.

* * *

Dear Kuya Uriel,

Good day. I want to know my CHI. I was born on February 27, 1982. My wife was born on April 25, 1988. Perfect match ba mi? -- 0920-3944940

TUBAG: Natawo ka sa tuig sa iro samtang ang imong asawa natawo sa tuig sa dragon. Managsama ang gikusgon sa buylo sa inyong life force o CHI. Pero dili nindot ang inyong kombinasyon. Giklaro sa feng shui almanac nga dili kamo perfect match. Magbutang og bagua sa tungod sa pultahan mayor sa balay.

* * *

Dear Kuya Uriel,

Good day. I want to know my CHI. I was born on April 26, 1962. Thank you very much. More power and God bless. -- 0915-9718605

TUBAG: Tigre ang imong horoscopic animal. Nahimugso ka sa petsa nga ang elementong puthaw maoy essence of the day. Kusog ang buylo sa imong positive CHI. Nagpasalig kini og madagayaon nga kinabuhi alang kanimo. Likay sa gugmang gidili.

* * *

(Kun aduna kamo’y buot pakisayran bahin sa punsoy, kahulogan sa   awom, damgo ug uban pa, text sa 0910-8105522)