Natawo sa tuig sa koneho

Dear Kuya Uriel,

Gusto kong masayod sa akong CHI. I was born on March 8, 1975. Thank you very much. -- 0918-5181896

TUBAG: Natawo ka sa tuig sa koneho. Positibo ang CHI nga mugna sa petsa sa imong pagkahimugso. Ugaling lang kay may mga panahon nga dili kini makabaton og kusog nga buylo. Dako og ikatabang kanimo ang binuhat nga natawo sa tuig sa baboy. Kun siya maoy imong opposite sex ug ikaw wala pay kabilinggan sa kinabuhi, perfect match siya nga mahimo nimong kapikas.

* * *

Dear Kuya Uriel,

Good day. I was born on December 15, 1976. May awom nga naglibot sa akong liog. Unsay kahulogan? -- 0916-3147418

TUBAG: Natawo ka sa tuig sa dragon. Kasarangan nga kinabuhi ang imong masinati dinhi sa kalibotan. On and off ang buylo sa positive CHI nga imong nabatonan. Bulnerable ka sa mga gumonhap sa kinabuhi. Ang awom nga maglibot sa liog adunay daotan nga kahulogan. Bisan kadto si Maria Cabigon a.k.a. Manding karya nga kolumnista sa magasin nga Bisaya kaniadto miingon sab sa iyang mga sinulat kanhi nga daotan og tilimad-on ang maong awom. Nagpasidaan kini og inseguridad sa kinabuhi.

* * *

Dear Kuya Uriel,

I was born on August 14, 1980. My boyfriend was born on May 26, 1980. I want to know kun compatible ba mi sa usag-usa. Thanks. -- 0919-8712xxx

TUBAG: Managsama kamong natawo sa tuig sa unggoy. Giklaro gayod sa punsoy nga dili kamo perfect match sa usa’g-usa. Labaw nang dili compatible. Maoy angay kaninyo ang opposite sex nga natawo sa tuig sa ilaga ug dragon.

* * *

Dear Kuya Uriel,

Good day. I want to know what's best for me. I was born on November 27, 1978. Thank you very much. More power and God bless. -- 0919-3819348

TUBAG: Kabayo ang imong horoscopic animal. Nahimugso ka sa petsa nga ang elementong kalayo maoy essence of the day. Kusog ang momentum sa imong positive CHI. Seguroa ang pagkab-ot sa labing taas nga edukasyon kutob sa maarangan kay kini magdulot gayod og kabulahanan alang kanimo.

* * *

Dear Kuya Uriel,

I just want to know my CHI. I was born on November 5, 1980. My girlfriend was born on June 28, 1981. Thank you very much. -- 0928-4284xxx

TUBAG: Natawo ka sa tuig sa unggoy samtang ang imong girlfriend natawo sa tuig sa sunoy. Managsamang kusog ang momentum sa inyong CHI. Giklaro gayod sa feng shui almanac nga dili kamo perfect match sa usa’g-usa.

* * *

(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522)