Managsamang natawo sa 1955

Dear Kuya Uriel,

Unsay among CHI? Si Misis natawo sa June 15, 1955 ug ako sa February 12, 1955. Unsay among kapalaran? -- 0919-3744754

TUBAG: Managsama kamong natawo sa tuig sa kanding. Wala mag-ingon ang Chinese feng shui nga dili kamo compatible apan dili usab kamo perfect match. Maoy perfect match alang kaninyo ang mga binuhat nga natawo either sa tuig sa kabayo, koneho o baboy. Sa inyong kahimtang, dili kalikayan usahay ang mga suliran. Usahay sayon kining sulbaron, apan usahay sab dunay suliran nga bug-at ra kaayong dad-on. Apan ang inyong gugma ug ang inyong abilidad sa pagsabot sa kinaiya sa usa’g-usa maoy malig-ong gabayan sa pagtunhay sa inyong kaminyoon. On and off ang buylo sa inyong CHI.

* * *

Dear Kuya Uriel,

Good day. I just want to know my CHI. I was born on September 27, 1989. Thanks a lot and more power to you. -- 0919-2577485

TUBAG: Nahimugso ka sa petsa nga ang elementong kalayo maoy essence of the day. Natawo ka sa tuig sa bitin. Kusog ang momentum sa imong positive CHI apan dili kini permanente. Sa dili mo lang damhon, moabot ang panahon nga mo-lukewarm ang imong CHI. Sagad nga mahitabo kini sa mga adlaw’ng Domingo nga maatol sa petsa 28 sa bulan ug sa Lunes nga maatol sa petsa 6 sa bulan. Gamit sa kolor nga blue green ug light yellow tungod kay makatabang kini pagkabig sa imong suwerte.

* * *

Dear Sir,

Duna koy awom sa buko-buko sa tuo nga bahin. Naa pud sa tuo nga dalunggan, sa tuong bitiis ug walang bugan. I’m a female. Unsay kahulogan sa akong mga awom? Daghan kaayong salamat nimo. -- 0920-8198670

TUBAG: Kanang imong awom sa buko-buko nagpasabot nga may impluwensiya ka nga pagkatawo. Kun unsay imong isulti sundon kini sa imong mga higala o kabanay. Sila maoy makatabang kanimo panahon sa imong kalisod. Ang awom sa tuo nimong dalunggan nagkahulogan nga mopatigbabaw gayod ang maayo nimong kagawian. Kanang awom sa imong tuo nga bitiis nagpasabot nga tigtipig ka sa bisan unsa ug malagmit masapian. Kanang awom sa imong bugan nagpasabot nga adunay imong suod nga higala nga motug-an kanimo sa iyang sekreto ug dili mo gayod kini ibulgar hangtod sa iyang kamatayon.

* * *

(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522)