Hinay og momentum ang CHI

Dear Kuya Uriel,

I just want to know what's the CHI in my life. I was born on August 12, 1972. More power. -- 0916-6151193

TUBAG: Positibo ang CHI nga mugna sa petsa sa imong pagkahimugso. Apan angay mong matngonan ang pagpakanaog sa imong desisyon sulod niining tuiga. Dili kini ang tuig nga angay kanimo. Hinay og momentum ang imong CHI niining tuiga. Sa natad sa gugma, angay mong lugwayan ang imong pailob kun sobra ka seloso o selosa ang imong partner. Sa negosyo, angay kang maghunahuna og nindot nga estratehiya nga imo gyod nga orihinal aron modako ang imong kita.

*  * *

Dear Kuya Uriel,

Good day. I just want to know the CHi in my life and lovelife. I was born on November 11, 1979. Thanks. -- 0916-5424613

TUBAG: Natawo ka sa tuig sa kanding. Kasarangan nga kinabuhi ang gipasalig sa CHI nga namugna sa petsa sa imong pagkahimugso. May pasidaan nga dili ang tanan nimong pangandoy makabaton og katumanan. On and off ang momentum sa imong CHI. Bulnerable ka sa mga kasakit ug kalisdanan. Hinuon, may pasalig nga maangkon gayod nimo ang hingpit nga kalipay sa kapolihay. Sa natad sa lovelife, kinahanglan nga maoy imong pilion ang opposite sex nga natawo sa tuig sa koneho, kabayo ug baboy aron ikaw magmalipayon. Kutob sa mahimo likayi ang mga binuhat nga natawo sa tuig sa iro, ilaga ug baka kay demalas ang idulot nila sa imong kinabuhi.

*  *  *

Dear Kuya Uriel,

Good day. Natawo ko sa November 5, 1986. Unsay akong kapalaran? Thanks a lot. More power and God bless. -- 0920-3028827

TUBAG: Natawo ka sa tuig sa tigre. Kasarangan nga kinabuhi ang gipasalig sa imong life force. Ayaw pag-expect og dinagkong resulta sa bisan unsang butang nga imong pagabuhaton kay basin makamugna lang kinig kahisagmuyo sa imong hunahuna. Batasana ang paggamit sa kolor nga silver ug bloody red aron pagkabig sa suwerte.

*  *  *

(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522)