Awom sa kinatawo

Dear Kuya Uriel,

Unsay meaning sa awom nga anaa sa kinatawo sa babaye or lalaki? Thanks and more power. God bless you always. Lyn. -- 0919-7499356

TUBAG: Ang awom nga anaa sa kinatawo nagkahulogan nga hayan makabaton og maayong PR ang binuhat nga nagbaton niini. Kon babaye, makabaton siya’g daghang mga higala diin ang kasagaran mosangko gayod ngadto sa mutual understanding. Kun lalaki ang nagbaton og awom, makabaton gihapon siya’g mga higala apan matental siya sa pagpahimulos sa higayon. Daghang mga lalaki nga nagbaton sa maong awom nga mga oportunista.

* * *

Dear Kuya Uriel,

Hello! I just want to know my CHI in life. I was born on August 31, 1977. Unsay buot ipasabot sa awom sa mata? Thanks. -- 0926-2675858

TUBAG: Natawo ka sa tuig sa bitin. Nahimugso ka sa petsa nga ang elementong kahoy maoy essence of the day. Kusog ang momentum sa imong positive CHI. Nagpasalig kini alang kanimo og madagayaon nga kinabuhi. Bukas alang kanimo ang daghang kahigayonan sa pag-asenso. Ang awom nga anaa sa mata nagpasabot nga ikaw adunay lahi nga panud-ong ug baroganan sa kinabuhi. Posibleng dili mauyonan sa uban ang imong prinsipyo apan makaayo kini alang kanimo.

* * *

Dear Kuya Uriel,

I just want to know if compatible ba mi sa akong boyfriend. I was born on November 10, 1983. My boyfriend was born on April 4, 1982. Thanks. -- 0918-6948547

TUBAG: Natawo ka sa tuig sa baboy samtang ang imong boyfriend natawo sa tuig sa iro. Mas kusog ang momentum sa imong CHI kay sa CHI sa imong boyfriend. Dili nindot ang inyong kombinasyon isip managhigugmaay. Giklaro sa feng shui almanac nga dili kamo perfect match sa usa’g-usa. Labaw nang dili kamo compatible. Kun kamo ang magkadayon, hayan inyong mahiagoman ang daghang kakulian sa inyong pagpuyo. Lisod alang kaninyo ang pagbugtaw sa tingusbawan.

* * *

Dear Kuya Uriel,

Good day to you and all readers of Banat Punsoy. Gusto lang kong masayod sa meaning sa akong damgo. Nagdamgo ko og horror unya naa ko sa akong damgo. Unsay buot ipasabot sa akong damgo? Thanks. -- 0919-6800316

TUBAG: Personal kaayo ang mensahe sa imong damgo. Nagpasabot kini nga ang butang nga kamatuoran nga dugay na nimong gitago ug gilikay sa kahayag kinahanglan nga imong ikabutyag kay mao ra kini ang paagi nga magmalinawon ang imong hunahuna. Ikaw ray nasayod kun unsa ang maong sekreto. Kinahanglan nga imo gayod kining ipadayag bisan kun adunay mga balatian nga maligsan sa paghimo mo sa ingon. Ang kamatuoran lamang maoy maghatag kanimo’g kagawasan.

* * *

Dear Kuya Uriel,

Good day. I was born on April 26, 1983. Ang akong girlfriend natawo sa March 24, 1983. Okey ba ang among kombinasyon? Thanks. -- 0919-6800136

TUBAG: Natawo ka sa tuig sa baboy. Mao usab kini ang horoscopic animal sa imong girlfriend apan mas kusog ang momentum sa imong CHI kay sa iyaha. Dili nindot ang inyong kombinasyon isip managhigugmaay. Giklaro sa Chinese feng shui nga dili kamo perfect match sa usa’g-usa.

* * *

Dear Kuya Uriel,

I’m Elly of Mandaue. I want to know my CHI. I was born on July 17, 1971. My girlfriend was born on February 7, 1980. Unsay among future? Thanks and more power. -- 0919-7111603

TUBAG: Natawo ka sa tuig sa baboy samtang ang imong girlfriend natawo sa tuig sa kanding. Kusog ang buylo sa imong positive CHI. Nagpasalig kini alang kanimo og madagayaon nga kinabuhi. Bukas alang kanimo ang daghang kahigayonan sa pag-asenso. Nindot ang imong kombinasyon ngadto sa imong hinigugma. Giklaro sa feng shui almanac nga perfect match kamo sa usa’g-usa. Kun kamo ang magkadayon, hayan inyong makab-ot ang ginamithing tingusbawan.

* * *

(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522).