Tulo ka pamilya

Dear Kuya Uriel,

First of all I would like to greet you a warm hello. Napakasikat na sa imong Banat Punsoy. Umabot na ang imong punsoy sa Manila. Kuya, gusto unta ko magpapunsoy. Tawga lang ko’g Dodong, natawo sa January 7, 1960. Nganong mawala man dayon ang akong grasya? May kalabotan ba ni sa balay nga atbang og poste ang pultahan ug diretso sa kitchen? Tulo mi kapamilya sa usa ka balay. Bisan sa work demalas kay wala na akoy trabaho. -- 0918-5224498

TUBAG:Salamat sa imong text. Klaro kaayo nga may kalabotan ang balay sa demalas nga midangat sa imong kinabuhi. Sumala sa punsoy (Feng Shui), dili maayo nga ang pultahan sa balay mag-atubang o matungod sa usa ka poste. Labing maayo nga imo kining korehian. Magbutang ka og ba-gua o kaha tilingtiling sa ibabaw sa gawas nga bahin sa pultahan. Mahimo usab nga magbutang ka og concave o convex mirror sa atubangang bahin sa balay ug ipatungod gayod sa poste.

Matud pa, tulo kamo ka pamilya nga nagluon pagpuyo sulod sa usa ka balay. Posible nga ang imong CHI gibuntog sa CHI sa laing pamilya nga nagpuyo sa maong balay. Hayan may usa na kaninyo nga nakabaton og suwerte karon. Aron pagsuhong sa demalas, magbutang ka og tilingtiling sa ibabaw sa sulod nga bahin sa pultahan sa imong lawak. Usba usab ang arrangement sa imong mga butang. Magbutang ka usab og painting sa berde nga mga tanom kay kini simbolo sa kauswagan ug kadagaya.

* * *

Dear Kuya Uriel,

Hi...! Natawo ko sa year 1970. Unsay akong kapalaran? Thank you. --0916-4092414

TUBAG: Natawo ka sa tuig sa iro ug masinati mo ang kahimungaya sa kinabuhi niining tuiga kun makigsuod ka sa mga binuhat nga natawo sa tuig sa tigre ug kabayo. Likayi ang binuhat nga natawo sa tuig sa dragon. Likay sa mga tawo nga gitaptan sa sakit nga mananakod sulod niining tuiga.

* * *

Dear Kuya Uriel,

Good day. Gusto kong magpakisayod bahin sa akong CHI. Natawo ko sa March 8, 1978. Thanks and God bless. -- 0910-7678216

TUBAG: Kabayo ang imong horoscopic animal. Nahimugso ka sa petsa nga ang elementong yuta maoy essence of the day. Kusog ang buylo sa imong positive CHI. Bukas alang kanimo ang daghan kaayong kahigayonan sa pag-asenso.

* * *

Dear Kuya Uriel,

Hi...! I’m Michelle. I just want to know my CHI. I was born on May 19, 1989. My husband was born on April 26, 1960. Thank you. -- 0921-6982081

TUBAG: Natawo ka sa tuig sa bitin samtang ang imong bana natawo sa tuig sa ilaga. Mas kusog ang momentum sa CHI sa imong bana kay sa kaugalingon mong CHI. Dili nindot ang inyong kombinasyon. Giklaro sa punsoy nga dili kamo perfect match. Magbutang og holy lotus sa pultahan mayor sa balay.

* * *

Dear Kuya Uriel,

Hello...! I want to know my CHI. I was born on August 13, 1983. My boyfriend was born on August 15, 1983. Thank you. -- 0927-2773050

TUBAG: Managsama kamong natawo sa tuig sa baboy. Mas kusog ang momentum sa imong CHI kay sa CHI sa imong boyfriend. Dili nindot ang inyong kombinasyon. Giklaro sa Chinese feng shui nga dili kamo perfect match sa usag-usa. Kun kamo ang magkadayon, mahiaguman ninyo ang daghang komplikasyon.

* * *

(Kun aduna kamo’y buot pakisayran bahin sa punsoy, kahulogan sa awom, damgo        ug uban pa, text sa 0910-8105522).