Isabel Lopez todo pagpapa-cute sa LTO, ginamit din ang ISIS sa pagpapaliwanag ng kagagahan!

SEEN: Ang Hanggang Saan ang ipapalit ng ABS-CBN sa timeslot na mababakante ng The Promise of Forever sa November 25. Mga bida sa Hanggang Saan sina Sylvia Sanchez, Ariel Rivera, Arjo Atayde, at Maris Racal. Sa November 27 ang pilot telecast ng Hanggang Saan.

SCENE: Hindi pa ipalalabas ng ABS-CBN ang Sana Dalawa Ang Puso Ko, ang tele­serye nina Robin Padilla, Jodi Sta. Maria, at Richard Yap kaya wala nang conflict sa pagtanggap ni Christopher de Leon sa Santa Santita ng GMA 7. Kasama rin si Christopher sa cast ng Sana Dalawa Ang Puso Ko.

SEEN: Nauna ang billing ng pangalan ni JC Santos kesa sa pangalan ni Ruru Madrid sa official trailer ng Meant to Beh, ang pelikula nina Vic Sotto at Dawn Zulueta na kasali sa Metro Manila Film Festival (MMFF) 2017.

SCENE: Dual role si Yasmien Kurdi sa Hindi Ko Kayang Iwan Ka, ang upcoming afternoon television series ng GMA 7. Gagampanan ni Yasmien ang mga karakter nina Diane Fernando at Jewel Velasquez.

SEEN: Nagsadya kahapon si Maria Isabel Lopez sa tanggapan ng Land Transportation Office para magpaliwanag tungkol sa traffic violations niya sa EDSA noong Sabado, November 11, 2017. Hindi nakakatuwa ang depensa ni Lopez na “Hindi ako ISIS o terrorist na nakapasok doon kaya sana ‘wag ako ma-single out kasi hindi lang naman ako mag-isang pumasok doon (ASEAN lane).”

SCENE: Kahit ano pa ang paliwanag ni Maria Isabel Lopez, maling-mali sa paningin ng nakararami ang kanyang ginawa na ipinagyabang pa niya sa Facebook.

SEEN: Inirekomenda ng LTO kay Maria Isabel Lopez na mag-submit kahapon ng position paper dahil maglalabas sila ng desisyon sa susunod na linggo tungkol sa parusa na ipapataw nila sa pasaway na beauty queen na nagpa-cute pa sa kanyang pahayag na bigyan ng 20% discount sa penalty bilang senior citizen na siya.

SCENE: Si Inigo Pascual ang umawit ng A Little Bit, ang official theme song ng Fallback, ang pelikula nina Rhian Ramos at Zanjoe Marudo. Mapapakinggan ang theme song sa closing credits ng Fallback.