Nanay ng young sexy actress wagas ang kaepalan

Maraming naeepalan sa ina ng isang young sexy actress. May mga naaalarma na baka ang kanyang ina ang maging hadlang sa mga pangarap ng seksing female personality.

Ilang impormante na ang nagkukuwento na pakialamera ang ina ng sexy actress.Kahit hindi ito kasali sa usapan ay pumapapel, nagpaparamdam ng kanyang presensiya bilang nanay, hindi ‘yun nagugustuhan ng mga katrabaho ng sexy actress.

Mapagpatol din sa mga bashers ang mommy ng sexy actress, naglalaan ito ng panahon para makipagdakdakan sa social media, epal na epal ang dating nito.

Kuwento ng isang source, “Mabait sana ang girl, marunong makisama, ma-PR siya. Pero nakakapag-alala ang presence ng maepal niyang mommy. Sana, hindi maapektuhan ang career niya sa pagiging pakialamera ng mommy niya.

“Patulan ba ang mga bashers? Maganda o hindi ang gawin ng artista, bashers will always be around, kaligayahan na nilang mamuwisit at magpagalit ng mga artista.

“May enough time ang mommy niya for bashers. Pumapatol siya, nakikipag-argumento siya, patolah talaga ang mommy ni ____(pangalan ng young sexy actress),” napapailing pang kuwento ng nasabing impormante.

May sinasabing ka-close na male personality ngayon ang seksing aktres, nagde-date daw silang madalas, may mga nagsasabing sila na ngayon.

Pag-aalala ng isang miron, “Baka nga mabulilyaso pa ‘yun dahil siyempre, nand’yan ang maepal na mommy ng girl! Kung hindi pakialamera ang mommy ng guy, umaariba naman ang kaepalan ng nanay ng girl! Pagtatapos ng aming source,

“Tutal naman, e, palagi siyang umeepal, pagsabihan na rin sana niya ang anak niya na tandaan ang mga pangalan ng mga taong nakikilala nila!

“Hindi matandain sa pangalan ang anak niya, maigsi ang memorya, turuan sana niyang maging retentive ang anak niya para magtagal sa industriya!”

Ubos!

Sa pagladlad ng mister ni Joey Mead, guwapong aktor na gusto na raw pakasal inaabangan kung bibigay na rin! 

Nakakaloka ang naging paksa sa isang umpukan nu’ng isang gabi. Nag-ugat ang istorya sa paglaladlad na ng car racer na si Ian Angelo King tungkol sa tunay niyang kasarian.

Parang ang hirap nga naman kasing paniwalaan na ang isang taong tulad ni Ian na grabe ang ginagawang pakikipagkarera at puro panglalaki ang hilig gawin at machong tingnan pero pusong-babae pala.

Kilala na siya ngayon sa pangalang Angelina Mead King. Kinuha niya ang Angelina sa kanyang idolong si Angelina Jolie at ang Mead naman ay apelyido ng kanyang napangasawang model-VJ na si Joey Mead.

Sabi ng isang miron sa umpukan, “Kung maglaladlad na rin si ____(pangalan ng isang guwapong aktor), ang bagay na pangalan sa kanya, e, Katy Pauline!”

Bakit nga ba kapag may personalidad na nag-a-out ay ang nasabing aktor ang unang palaging nadadamay sa senaryo? Ang dami-daming naghihintay sa kanyang paglaladlad, parang sabik na sabik ang sambayanang Pinoy sa gagawin niyang pag-amin tungkol sa kanyang gender, inaabangan ‘yun ng publiko.

Pero parang malayong mangyari ang iniisip ng marami, mukhang magpapakatandang-binata na lang ang guwapo at sikat na aktor, dahil padagdag nang padagdag ang kanyang edad pero wala siyang karelasyon.

Taun-taon ay nagbabago ang sinasabi niyang target na panahon para siya magpakasal. Ilampung taon na niyang inililitanya ‘yun pero hanggang ngayon naman ay single pa rin siya.

Nagkaroon siya ng girlfriend nu’n na sinasabi niyang nagmamay-ari ng mga katangian ng isang babaeng ihaharap niya na sa altar pero naging napakasakit ng kanilang paghihiwalay. Mas pinagpistahan pa ang naging dahilan ng kanilang break-up. Nakaladkad sa isyu ang isang male personality na pinagbibintangang tunay na karelasyon niya.

Haaaayyyy!!!!