Fil-Aussie singer pasok sa ‘X Factor’ Australia grand finals!
MANILA, Philippines – Kabilang ang Filipino-Australian singer Cyrus Villanueva sa grand finals ng "X Factor Australia" season 7.
Ito ang ikalawang sunod na taon na may pumasok na Pinoy sa finals ng Australian reality talent show sa telebisyon.
Makakalaban ng 19-anyos na si Villanueva para sa titulo sina Louise Adams (mentored by James Blunt) at Groups artist na sina Jess & Matt (mentored by Guy Sebastian).
Mentor ni Cyrus ang American rock musician na si Chris Isaak.
Napabilib namang muli ng Filipino-Australian singer ang judges sa kaniyang performance ng "In The Air Tonight" ni Phil Collins.
"That was a grand final-type performance. You have to vote for something like that. You have to be there, Cyrus. Please everyone, please," pahayag ni Dannii Minogue.
Noong season six ay nagwagi si Filipina teen Marlisa Punsalan.
Samantala, umaariba rin sa “X Factor UK” ang all-Pinay group na 4th Impact, habang si Amy Vachal naman ang nagpapasikat sa "The Voice US" top 12.
- Latest
