Celtics giniba ang T’Wolves; Spurs pinalamig ang Suns

BOSTON--Humugot si Marcus Smart ng 16 sa kanyang 18 points sa second half habang kumolekta si Kyrie Irving ng 16 points, 9 rebounds at 8 assists para pamunuan ang Celtics sa 91-84 panalo laban sa Minnesota Timberwolves.

Nagtala si Terry Rozier ng 14 points at 9 rebounds at nag-ambag sina Aron Baynes at Jaylen Brown ng tig-11 markers para sa pang-limang sunod na arangkada ng Boston.

Pinangunahan naman ni Karl-Anthony Towns ang Minnesota mula sa kanyang 25 points at career-high 23 rebounds kasunod ang 14, 13 at 10 markers nina Jimmy Butler, Jamal Crawford at Andrew Wiggins, ayon sa pagkakasunod.

Nalasap ng Timberwolves ang kanilang ikalawang sunod na kamalasan sa unang pagkakataon matapos noong Nobyembre.

Kumulapso ang Minnesota, nanggaling sa 97-98 kabiguan sa Brooklyn noong Miyerkules sa kaagahan ng fourth period matapos magtala ng seven-point lead.

Ang layup ni Irving sa huling segundo ng third quarter ang nagpainit sa 10-2 atake ng Celtics patungo sa pagtatala ng 77-68 bentahe buhat sa three-point shot ni Rozier sa 8:02 minuto ng final canto.

Sa San Antonio, kumamada sina Kawhi Leonard at Manu Ginobili ng tig-21 points para pamunuan ang Spurs sa 103-89 panalo kontra sa Phoenix Suns.

Sinahaman ni Ginobili si Vince Carter bilang tanging 40-anyos na players na umiskor ng 20 points mula sa bench.

Naglaro ang Spurs na wala sina starters LaMarcus Aldridge at Danny Green, ngunit kumolekta ng 15 steals at 6 blocks laban sa Suns, nakahugot kay Devin Booker ng 21 points kasunod ang 12 markers ni Marquese Chriss.

Sa Milwaukee, iniskor ni Jonas Valanciunas ang lahat ng kanyang 20 points sa third quarter para tulungan ang Toronto Raptors na talunin ang Bucks, 129-110, sa ikalawang pagkakataon ngayong linggo.