Milo Marathon Manila leg pakakawalan ngayon
MANILA, Philippines - Pag-aagawan ng mga partisipante ang dalawang tiket para sa National Finals ng Milo Marathon sa paglarga ng Metro Manila leg ngayong umaga sa SM Mall of Asia grounds sa Pasay City.
Noong nakaranag taon ay dinomina nina five-time Milo Marathon King Eduardo “Vertek”Buenavista at veteran Luisa Raterta ang Metro Manila leg.
Nagsumite si Buenavista ng bilis na 02:45:34 para ungusan sina Cresenciano Sabal (02:54:20) at Roger Denolo (02:54:53) sa men’s division.
Tinalo naman ni Raterta (03:15:00) sa women’s class sina Jho-an Banayag (03:17:47) at Cinderella Lorenzo (03:20:03).
Ang lahat ng mananalo ay tatakbo sa Milo National Finals sa Disyembre 3 sa Cebu City.
Sina Mary Joy Tabal (2:47:49) at Jeson Agravante (2:35:13) ang nagkampeon sa 2016 Milo National Finals na idinaos sa Iloilo City.
- Latest