‘Mighty Mouse’ wala pang desisyon para sa paglalaro sa 2014 Asian Games

MANILA, Philippines – Wala pang katiyakan kung gusto ni point guard Jimmy Alapag na sumama sa kampanya ng Gilas Pilipinas sa darating na 2014 Asian Games sa Incheon, Ko­rea.

Nauna nang sinabi ni Ala­pag na ang 2014 FIBA World Cup ang magiging hu­li niyang torneo bilang mi­yembro ng Gilas Pilipinas.

Ngunit nais ni Sama­hang Basketbol ng Pilipinas pre­sident Manny V. Pangi­linan na isama si Alapag sa line-up ng national team pa­ra sa Incheon Asiad dahil sa magandang ipinakita nito sa FIBA World Cup.

Umaasa si head coach Chot Reyes na magbabago ng isip ang tinaguriang ‘Mighty Mouse’ na si Alapag.

Sina Reyes at Alapag ay nagpaiwan dito kasama ang kanilang mga pamilya para magbakasyon.

Bukod kay Alapag, iniisip din ni Reyes ang paglalaro ni naturalized center Andray Blatche sa Asian Games.

Kamakalawa ay iniha­yag ng FIBA, ang internatio­nal basketball federation, ang pagkampi sa pagsusulong ng SBP na mapaglaro ang 6-foot-11 na si Blatche sa Asiad.

Isang delegation registration meeting ang itinakda ng Incheon Asian Games Or­ganizing Committee (IA­GOC) para pagdesisyunan ang eligibility ni Blatche.