4 magkakaanak tepok sa sunog sa Bataan!
Na-trap sa naka-padlock na bahay..
MANILA, Philippines — Apat na magkakaanak kabilang ang isang paslit ang kumpirmadong patay matapos na sumiklab ang sunog sa dalawang palapag na bahay kamakalawa ng madaling araw sa Balanga City, Bataan.
Kinilala ang mga biktimang sina Zenaida Jose, 70; August Jose, 53; Jaimelyn Joy Manalo, 24; at Jaila Adeline Jose, 3-anyos.
Sa inisyal na imbestigasyon ng Bureau of Fire Protection, naganap ang sunog bandang alas-4:45 ng madaling araw sa bahay ng mga biktima sa Purok1, Brgy. Camacho, Balanga City.
Nagsimula ang sunog sa unang palapag ng bahay ng mga biktima.
Nabatid na na-trap ang mga biktima sa bahay dahil naka-padlock ang pinto nito.
Agad namang naapula ng Balanga BFP at Fire And Rescue Team ng Balanga ang sunog na inaalam pa ang sanhi o pinagmulan nito.
- Latest
