Lalaki na-setup ng 2 kaibigan, pinatay

CAMP VICENTE LIM, Laguna, Philippines — Isang lalaki na sinet-up umano ng dalawang kasama, ang pinatay sa loob ng isang kubo sa Dasmariñas City, Cavite nitong Miyerkules ng gabi.

Sa ulat ng Dasmariñas Police, si Junifer Lirazan kasama ang dalawang kaibigan ay dumating sa nasabing kubo upang makipagkita sa isa pang kausap na sinasabing “gunman” sa Barangay Sta. Lucia dakong alas-10:22 ng gabi.

Sinabi ng pulisya na ang dalawang kasamahan ni Lirazan ay lumalabas na nagsilbing “look out” sa krimen,

Lumalabas na ang di kilalang gunman ay naghihitay na sa pagda­ting ng biktima at dalawang kaibigan, at nang sila ay makalapit, malapitang binaril nito sa uli ang biktima.

Matapos na makitang napuruhan ang biktima, mabilis na naglakad at tumakas ang gunman patungong Barangay San Manuel.

Sinisilip ng pulisya ang “personal grudge” na motibo sa pagpatay sa biktima at iniimbestigahan din na ang krimen ay may kaugnayan sa droga.