Buwayang si ‘Lolong’ pinagkaguluhan sa Cavite

CAVITE, Philippines — Pinagkaguluhan ang dambuhalang buwaya sa bayan ng Rosario, dito sa lalawigan kung saan inakalang nahuli to sa baybaying dagat kahapon.

Pero paglilinaw ng pamunuan ng bayan, walang dapat ikatakot ang mga residente rito at mga Caviteño dahil si Lolong ay para lamang sa promotion ng “Lolong 2”, isang teleserye na pinagbibidahan ng award winning actor na si Ruru Madrid.

Ang replica ni Lolong ay may habang 22 talampakan at “Dakila” ang pa­ngalan nito sa TV series.

Ilalagay ang replica ni Lolong nang patago sa may pampang sa fish port kung saan kukuhanan siya para sa taping ng nasabing teleserye.